Fyonladiya Song Lyrics with Hindi Meaning

Lyrics: Late Sh. Shiv Prasad Pokhriyal 

Singer: Kishan Mahipal 

Music: Ishaan Dobhal

Rythem: Subhash Pandey 

Fyonladiya Song Lyrics with Hindi Meaning

फ्योंलडिया... फ्योंलडिया 

फ्योंलडिया त्वे देखिक, औंदी यो मन मा

औंदी यो मन मा

तेरो मेरो साथ छयो पेला जनम मा

तेरो मेरो साथ छयो पेला जनम मा

शब्दार्थ : 

फ्योंलडिया = फ्योंली का फूल (गीत में नायिका के सम्बोधन के लिए प्रयोग किया गया है)

त्वे = तुझे

देखिक = देखके

औंदी = आता है

छयो , छो = था

पेला जनम = पिछले जनम

छाजा मा बैठिक खुटी हल्काणी

हाथ मुबेल, धोंपेली हिलाणी

तेरी नाके नथुली, तेरी माथे बिंदुली

केते सनकाणी, अर क्या च बिन्गाडी

क्या च बिन्गाडी....

शब्दार्थ : 

छाजा = घर की बालकनी

खुटी = पैर

धोंपेली = चुटिया

हल्काणी , हल्काणी = हिला रही

नथुली = नथ (नाक में पहने जाने वाला आभूषण)

बिंदुली = बिंदिया

सनकाणी = इशारे करना

बिन्गाणी = समझाना

मुंड की घुंगर्याली लटूली, सूरीजै सी कीरणी

बिगरेली खुट्योन हिटदी, डांडयों की सी हीरणी

छुण छुण छुमणाट… छुण

छुण छुण चूडयों कु छुमणाट हाथों मा

छुमणाट हाथों मा

तेरो मेरो साथ छयो पेला जनम मा…

फ्योंलडिया त्वे देखिक औंदी यो मन मा…

तेरो मेरो साथ छयो पेला जनम मा…

तेरो मेरो साथ छयो पेला जनम मा… 

शब्दार्थ : 

मुंड = सिर

लटुली = बाल

सूरीजे = सूरज की तरह

हिटदी = चलती है

छुण छुण छुमणाट = ध्वनि

गोरी मुखड़ी मा जब तू घूँघट खेंचदी

धोतिन हुठण्यों दबेकी मुल-मुल की हेन्सदी

झिलमिल झिमलाट तेरो...

झिलमिल फुल्ली कु झिमलाट नाक मा

झिमलाट नाक मा

तेरो मेरो साथ छयो पेला जनम मा…

फ्योंलडिया त्वे देखिक औंदी यो मन मा…

तेरो मेरो साथ छयो पेला जनम मा…

शब्दार्थ : 

मुखड़ी = चेहरा

खेंचदी = खीचती है

मुल मुल = मुस्कराना,

हेन्सदी = हंसती है

फुल्ली = नाक का आभूषण

दगडयों का दगड़ी तू घासों कु जांदी

छुण छुण दाथुड़ी का छुणका बजांदी

रसीला गीतों की तू भोंण लगान्दी

फर फर बथों मा दुपट्टा उडान्दी

डांडयों सी मोल्यार, फ्योंली सी फ्योंलड़ी

जन ग्वेरु गीत मा कृष्ण मुरूली

त्वे देखि एक बात आई यो मन मा

तेरो मेरो साथ छयो पेला जनम मा

शब्दार्थ : 

दगडयों = दोस्तों

दाथुड़ी = दरांती

छुणका = दरांती के हैंडल पर कुछ बजने वाली वस्तु

भोंण = सुर

बथों = हवा

मोल्यार = मौल्यार

फ्योंली = फूल का नाम

ग्वेरु = ग्वाले

पाणी की गागरी लेकी जब उकाली आंदी तू

देखिक मैं बौगा ह्वेकी मुखड़ी फरकान्दी तू

देखिक आन्ख्यों कु सर…

अरे देखिक आन्ख्यों कु सरमाणु मन मा

सरमाणु मन मा

तेरो मेरो साथ छयो पेला जनम मा…

फ्योंलडिया त्वे देखिक औंदी यो मन मा…

तेरो मेरो साथ छयो पेला जनम मा

शब्दार्थ : 

उकाली = चढ़ाई वाला रास्ता

बौगा = 

फरकान्दी = पलटना 

सरमाणु = शर्माना