बन्द हुई च जिंदगी - Garhwali Kavita by Pradeep Singh Rawat 'Khuded'

❝बन्द हुई च जिंदगी❞

 Garhwali Kavita by Pradeep Singh Rawat 'Khuded'

-----------------------------

कोरोने डौरो घौरूं मा बन्द हुई च जिंदगी

अलंकार बिंब बिना , नीरस छंद हुई च जिंदगी

जू बिचरों मा रुप्या अन्न पाणी खूब छन

बावन व्यंजन बणेकि बड़ी पसंद हुई च जिंदगी

गरीब मजदूर कै-कै मील पैदल चलणा छन,

भूखा तीसा मनख्यूँ कू भरि द्वन्द हुई च जिंदगी

नौकरी चाकरी सब छूटणी छन प्रदेश मा अब

ई एम आई भोरी भोरी खंड-बंड हुई च जिंदगी

गौं का लोग प्रवास्यूँ देखी मुख फ़रकणा छन

अब त गौं सीमों पर बि पबंद हुई च जिंदगी

डॉ. बोना छन दाना सरिलो कु ख्याल रख्यं

दाना मनख्यूँ कू तै बड़ी असन्द हुई च जिंदगी

आस विस्वास रख फेर खुशी झौळ लगले त्वेमा

त्यारा हौसला छोडणन रंग तंग हुई च जिंदगी 

प्रदीप रावत ❝खुदेड़❞

यह भी पढ़िए...

ब्यालि तक जु निवासी छाई by Anoop Rawat

तुम्हरा देरादून मा by Jagdamba Chamola