Laata Song Lyrics Kishan Mahipal
बिरडी की भी ऐत जावा क्वी घार लाटा
सिरडी की भी हम त छां ये सार लाटा
सार सारा ढुंगा भी छन घाटू बैठ्या
घाम पाणी सर्ग छो यख सार लाटा
भल करी हवा मिजाण हड़ताल करीगे
औंदी से क्वी चिठ्ठी क्वी रैबार लाटा
मिन सदानी झडदा टूटदा पात देखि
तिन त देखि होलू क्वी मौल्यार लाटा
चक्कमकेगे छा यि आँखा तब नि देखि
तेरी मुखडी चाल सि चलक्वार लाटा
वे अन्धयारा मा काम को कुछ हथ नि आये
ये उजाला को भी लग्युं असगार लाटा
दाना सयाना बत छांटी सब छटेगिन
अब रयां छिन काम का द्वी-चार लाटा
नफा त्वट्टा बिसरी केते दिन बिकेन
जिंदगी भी करदी रे ब्योपार लाटा
बिरडी की भी ऐत जावा क्वी घार लाटा
सिरडी की भी हम त छां ये सार लाटा
%20Hindi%20Meaning%20-%20Garhwali%20Language.jpg)
0 Comments