Kui Ta Baat Holi Lyrics - Narendra Singh Negi - Garhwali Song Lyrics

Kui Ta Baat Holi Lyrics
Narendra Singh Negi - Garhwali Song Lyrics

सुदि त क्वी नि देखदु कै सणी

सुरक खिड़कि खोली

यन त क्वी नि देखदु लुकछुपी

सुरक खिड़कि खोली

कुछ त खास होलू मैं मा... 

हाँ हाँ क्वी त् बात होली

खुट्टि अळगै-अळगै भीड़ मा ख्वज्यांदी, 

ख्वज्यांदी कै सणी मैं पता च

कबि कै कूड़ा कौंरा फर कैकि छ्वीं लगांदी, 

लगांदी कै कि छ्वीं... मैं पता च

पता च को च वीं को मन बसायूं मन चैंदो मायादार 

सुदि त क्वी नि पुछदु कै को नौंऊं 

बिगर सोचि तोली ...

बाटों मा जब मिल्द यखुली मुल-मुल हैंसदी, 

हैंसदी कै देखी मैं पता च

दगड़्यों दगड़ा जांदि अगड़ि- पिछड़ि हेरणि रांदी,

हेर्दि कै सणी मैं पता च

पता च को च वीं को मन बसायूं मन चैंदो मायादार

सुदि को सरमांदु कै देखी डोला की सी ब्योली...

ह्वे सकदू मेरि तिसाळि आंख्यों को भरम हो, 

भरम आंख्यों को ह्वे सकदू

ह्वे सकदू वीं कि बाळि ज्वानि की सरम हो, 

सरम ज्वानि की ह्वे सकदू

ह्वे सकदू क्वी न क्वी त होलू वीं को मन चैंदो मायादार

सुदि त क्वी नि औंदु कै का स्वीणाम् अदाराति मा यखुली

कुछ त खास होलू मैं मा हाँ हाँ क्वी त बात होली...

Tags: 

garhwali song lyrics

Narendra singh negi song

Kwi ta baat holi main maa lyrics

क्वी त बात होली मैं मा