Learn Garhwali - Garhwali Saying (गढ़वाली कहावतें)

1. जय द्यो जगदीश, वेसे क्या रीस
2. कौजाला पाणी मा छाया नि आन्दी ।
3. अपड़ा लाटा की साणी अफु बिग्येन्दी ।
4. बड़ी पुज्यायी का भी चार भांडा, छोटी पुज्यायी का भी चार भांडा ।
5. अपड़ा गोरुं का पैणा सींग भी भला लगदां ।
6. कोड़ी कु शरील प्यारु, औंता कु धन प्यारु ।
7. जन त्येरु बजणु, तन मेरु नाचणु
8. ना गोरी भली ना स्वाली ।
9. राजौं का घौर मोतियुं कु अकाल ।
10. भैंसा का घिच्चा फ्योली कु फूल ।
11. सब दिन चंगु, त्योहार कु दिन नंगु ।
12. त्येरु लुकणु छुटी, म्यरु भुकण छुटी ।
13. कुक्कूर मा कपास और बांदर मा नरियूल
14. सारी ढेबरी मुंडी मांडी, अर पुछ्ड़ी दाँ न्याउँ (म्याउँ) ।
15. हाथा की त्येरी, तवा की म्यरी ।
16. लेजान्दी दाँ हौल, देन्दी दाँ लाखड़ु ।
17. कखी डालु ढली, खक गोजु मारी ।
18. जन मेरी गौड़ी रमाण च, तन दुधार भी होन्दी ।
19. बुडीड पली ही इदगा छै, अब त वेकु नाती जु हुवेगी ।
20. हैंका लाटु हसान्दु च, अर अपडु रुवान्दु च ।
21. बाखुरी कु ज्यू भी नि जाऊ, बाग भी भुकु नि राऊ ।
22. लौ भैंस जोड़ी, नितर कपाल देन्दु फ़ोड़ी ।
23. जख मेल तख खेल, जख फ़ूट तख लूट ।
24. लगी घुंडा, फ़ूटी आँख ।
25. जख सोणु च तख नाक नि च, जख नाक च तख सोणु नि च ।
26. जाणदु नि च बिछी कु मंत्र, साँपे दुली डाल्दु हाथ ।
27. तू ठगानी कु ठग, मी जाति कु ठग ।
28. लूण त्येरी व्वेन नी धोली,आंखा मीकु तकणा।
29. भिंडि खाणु तै जोगी हुवे अर बासा रात भुक्कु ही रै ।
30. अपड़ा जोगी जोग्ता , पल्या गौं कु संत ।
31. बिराणी पीठ मा खावा, हग्दी दाँ गीत गावा ।
32. पैली खयाली छारु(खारु), फ़िर भाडा पोछणी ।
33. ब्वारी खति ना... , सासु मिठौण लग्युं... ।
34. खाँदी दाँ गेंडका सा, कामों दाँ मेंढका सा ।
35. (कामों दाँ आंखरो-कांखरो, खाँदी दाँ मोटो बाखरो ।)
36. खायी ना प्यायी, बीच बाटा मारणु कु आयी ।
37. बांटी बूंटी खाणि गुड़ मिठै, इखुलि इखुलि खाणि गारे कटै।
38. भग्यानो भै काल़ो, अभाग्यू नौनू काल़ो।
39. नोनियाल की लाईं आग , जनाना को देखुयुँ बाघ |
40. जै बौ पर जादा सारू छौ वे भैजी भैजी बुन्नी |
41. म्यारू नौनु दूँ नि सकुदु , २० पता ख़ूब सकुदु
42. ब्वे कु दूध पिक तै नि हुवे, त अब बुबा कु घुंडा चुसिक होन्दु ।
43. बान्दर का मुंड मा टोपली नि सुवान्दी ।
44. मि त्येरा गौं औलू क्या पौलू,तु मेरा गौं औलू क्या ल्यालु ।
45. भेल़ लमड्यो त घौर नी आयो, बाघन खायो त घौर नी आयो।
46. ढेबरि मरिगे, गू खलैगे।
47. नि खांदी ब्वारी , सै-सुर खांदी ।
48. भैर तालु, और भितर बिरालु ।
49. ब्वारी बुबा लाई बल अर ब्वारी बुबन खाई ।
50. जु पदणु गीजि जालो, उ हगणु केकु जाल ।